کراچی میں چڑیا گھر میں افریقی شیرکے جوڑے کے ہاں تین بچوں کی پیدائش کے بعد سفاری پارک میں بھی مختلف جانوروں کے ہاں بچوں کی پیدائش ہوئی ہے۔
باغی ٹی وی کی رپورٹ کے مطابق سفاری پارک میں کالے ہرن (Black Buck) نے سات بچوں کو جنم دیا ہے، اسپوٹڈ ہرن(Spotted Deer) کے ہاں بھی چھ بچے پیدا ہوئے ہیں جبکہ پہاڑی بکرے (Ibex) کے ہاں دو بچے، بھیڑ (Mouflon) اور اونٹ کے ہاں ایک ایک بچہ اور گھوڑے کے جوڑے نے بھی ایک بچے کو جنم دیا ہے۔ میئر کراچی مرتضیٰ وہاب نے سینئر ڈائریکٹر ریکریشن اقبال نواز کو ہدایت کی ہے کہ جانوروں کے نوزائیدہ بچوں کا خاص خیال رکھا جائے اور ان کی خصوصی دیکھ بھال کی جائے۔