قصور
گزشتہ دنوں ڈی جی خان اور ملتان میں ہوئے گیس کنٹینرز دھماکوں سے قصور میں گھومنے والے گیس کنٹینرز سے لوگ پریشان،بم ڈسپوزیبل اسکواڈ اور ڈپٹی کمشنر قصور سے نوٹس کی اپیل
تفصیلات کے مطابق گزشتہ دنوں ملتان اور کل ڈی جی خان میں گیس کنٹینرز سے لیکج کے باعث ہونے والے دھماکوں کی بابت شہر قصور کے لوگ خوف میں مبتلا ہیں کیونکہ قصور کے مضافات میں بھی گیس کے کیپسول نما کنٹینرز گزرتے ہیں
اور زیادہ تر ان کنٹینرز کے گزرنے کا وقت دن کے اوقات میں ہے جس کے باعث لوگ تشویش میں مبتلا ہیں
شہریوں نے بم ڈسپوزیبل اسکواڈ اور ڈپٹی کمشنر قصور سے مطالبہ کیا ہے کہ ان کنٹینرز کو رات کے مخصوص اوقات میں سڑکوں پر آنے کی اجازت دی جائے اور دن کے وقت سڑکوں پر ان کو نا آنے دیا جائے تاکہ لوگوں کو تحفظ کا احساس ہو سکے اور کسی بڑے سانحے سے بچا جا سکے