سندھ متحد رہے گا، صوبہ بنانے کی بات کرنے والے خاموش رہیں: مراد علی شاہ


وزیر اعلیٰ سندھ مراد علی شاہ نے کہا ہے کہ سندھ متحد رہے گا اور جو لوگ صوبہ بنانے کی بات کر رہے ہیں، وہ چپ رہیں۔ انہوں نے کہا کہ اگر کوئی سندھ کو تقسیم کرنے کے بارے میں سوچ رہا ہے تو وہ پاکستان کے لیے نہیں سوچ رہا۔
مراد علی شاہ نے یہ بات کراچی کے علاقے ملیر میں خالد بن ولید فلائی اوور کے افتتاح کے موقع پر کہی۔ انہوں نے کہا کہ وہ بلدیاتی اداروں کو مضبوط کرنا چاہتے ہیں، اور یہ وزیراعظم کا کام نہیں کہ گلیوں میں گٹر کے ڈھکن لگائے جائیں۔
‎وزیر اعلیٰ سندھ نے مزید کہا کہ میئر کراچی کو 100 روز میں پل بنانے کا چیلنج دیا گیا تھا، اور اب عظیم پورہ فلائی اوور کے قیام کا ایک اور چیلنج دے رہے ہیں۔ انہوں نے یقین دلایا کہ کراچی کو وہ انفراسٹرکچر فراہم کیا جائے گا جس کا شہر حقدار ہے۔