تھانہ روہیلانوالی کے علاقے بستی وزیر آباد میں کم عمر جوڑے جن میں دولہا کی عمر 15 جبکہ دولہن کی عمر 13 سال کی زبردستی شادی کی تقریب کی اطلاع ملی جس پر پولیس نے فوری ریسپانڈ کرتے ہوئے شادی کی تقریب میں چھاپہ مارا۔
لیڈیز پولیس اہلکاران کیطرف سے کم عمر دولہن کو بازیاب کروایا گیا جسکو آج عدالت میں پیش کیا جائیگا مزید برآں پولیس نےموقع سے ملزمان عبدالرشید عرف بادشاہ، محمدشبیر اور دولہا امیر حمزہ کو گرفتار کر لیا،
ایس پی انوسٹی گیشن جاوید احمد خان کا کہنا تھا کہ تھانہ روہیلانوالی پولیس نے بروقت کارروائی کر کے بہت بڑے جرم کے ارتکاب کو روک لیا پولیس ٹیم شاباش کی مستحق ہے۔