نا جائزاثاثہ جات کیس میں عدالت نے سزا سنا دی
باغی ٹی وی کی رپورٹ کے مطابق احتساب عدالت نے نا جائزاثاثہ جات کیس میں سابق فوڈ آفیسر اور ان کے بھائی کو 10 کروڑ روپے جرمانے اور قید کی سزا سنا دی .
بلوچستان کے صوبائی دارالحکومت کوئٹہ کی احتساب عدالت میں ناجائز اثاثہ جات کیس کی سماعت ہوئی ،احتساب عدالت کے جج اللہ دادروشنان نے کیس کی سماعت کی،
عدالت نے 10 کروڑروپے کی کرپشن پر 10 کروڑ روپے جرمانہ کی سزاسنائی ،فوڈ آفیسرکو 6 سال قید اوربھائی کو4 سال قید کی سزاسنادی گئی۔عدالت نے سابق ڈسٹرکٹ فوڈ آفیسرغلام مصطفی کو6 سال قیداور5 کروڑ روپے جرمانے کی سزا سنائی ،
عدالت نے سابق ڈسٹرکٹ فوڈ آفیسر کی جائیداد ضبطگی کا بھی حکم دیدیا،اس کے علاوہ کیس میں نامزد بے نامی دار ملزم کو 4 سال قید اور5 کروڑ روپے جرمانے کی سزا سنائی ۔