سرگرم موٹر سائیکل چور ننکانہ پولیس کے شکنجے میں

رپورٹ بائے عبدالرحمان یوسف
باغی ٹی وی کی رپورٹ کے مطابق ڈی پی اواسماعیل کھاڑک کی ہدایت پر عوامی جان و مال کے تحفظ کا سفر جاری۔تھانہ سٹی شاہکوٹ پولیس نے سر گرم موٹر سائیکل چور فاروق عرف فاروقی گرفتار کر لیا ۔ملزم کے قبضہ سے چوری کی ہوئی 7 موٹر سائیکلوں کی فروختگی رقم 1,40,000 روپے برآمد کر لی گئی۔ ملزم چوری کے بعد موٹر سائیکل کے پارٹس فروخت کرتا تھا،ملزم سے مزید تفتیش جاری ہے۔SHO تھانہ سٹی شاہکوٹ شبیر گجر نے ریکور ہونیوالی رقم حقیقی مالکان کے حوالےکردی ۔رقم کی وصولی پر حقیقی مالکان کی تھانہ سٹی شاہکوٹ سمیت پنجاب پولیس ننکانہ کو ڈھیروں دعائیں۔
ڈی پی او کی طرف سے SHO تھانہ اور ہمرائی ٹیم کو نقد انعام اور سرٹیفیکیٹ دینے کا اعلان کیا۔
ڈی پی او اسماعیل کھاڑک نے گفتگو کرتے ہوئے کہا سر گرم موٹر سائیکل چور کی گرفتاری قابل تحسین ہے۔ عوامی جان و مال کا تحفظ پنجاب پولیس کی اولین ترجیح ہے ۔مزید گفتگو کرتے ہوئے ان کا کہنا تھاجرائم پیشہ افراد کی سرکوبی کے لیے دن رات مصروف عمل ہیں۔