امریکی خلائی ادارے ناسا نے تاریخی انسان بردار مشن آرٹیمس 2 کو ملتوی کر دیا ہے، جس کے تحت 4 خلا بازوں کو 5 دہائیوں بعد چاند کے مدار میں بھیجا جانا تھا۔ پہلے یہ مشن 8 فروری کو روانہ ہونے والا تھا لیکن اب اسے مارچ تک ملتوی کر دیا گیا ہے۔
ناسا کے مطابق مشن کی ڈریس ریہرسل کے دوران کئی مسائل سامنے آئے، جن میں سرد موسم کے باعث تاخیر اور راکٹ انجن میں ہائیڈروجن لیکج شامل ہیں۔ ناسا نے کہا کہ ملتوی کرنے سے مسائل کا تجزیہ کرنے اور دوبارہ ریہرسل کے لیے تیاری کا موقع ملے گا۔
آرٹیمس 2 مشن میں 4 خلا باز زمین کے مدار میں پرواز کے بعد چاند کے اُس حصے تک جائیں گے جو زمین سے نظر نہیں آتا، تاہم چاند کی سطح پر قدم نہیں رکھیں گے۔ یہ مشن ناسا کے آرٹیمس 3 مشن کے لیے ٹیسٹ کے طور پر بھی استعمال ہوگا، جس میں 2027 میں انسان چاند کی سطح پر قدم رکھیں گے۔
ناسا نے آرٹیمس 2 انسان بردار مشن کو ملتوی کر دیا
