نیشنل پریس کلب اسلام آباد انتخابات،صدر،سیکرٹری کی سیٹ ڈیموکریٹک پینل جیت گیا

نیشنل پریس کلب اسلام آباد کے انتخابات ،ڈیموکریٹ پینل کے عبدالرزاق سیال 1067 ووٹ لے کر صدر منتخب ہو گئے

جرنلسٹ پینل کی صدارتی امیدوار نیئر علی 1052 ووٹ لے سکیں،ڈیموکریٹ پینل کے فرقان راو 1024 ووٹ لے کر سیکرٹری منتخب ہو گئے،جرنلسٹ پینل کے خالد محمود 1002 ووٹ لے کر رنر آپ رہے،جرنلسٹ پینل کے عابد عباسی 1061 ووٹ لے کر سیکرٹری خزانہ منتخب ہو گئے، ڈیموکریٹ پینل کے خاور نواز راجہ 1032 ووٹ لے سکے

جرنلسٹ گروپ بیس سال بعد صدر اور سیکرٹری کی دونوں پوزیشن کھو بیٹھا ،اپوزیشن اتحاد نے ایگزیکٹوز کی گیارہ سیٹوں میں سے صدر ، سیکرٹری اور دو نائب صدور کی سیٹیں جیت لیں ،ڈیموکریٹ پینل کے عبدالرزاق سیال 1067 ووٹ لیکر صدر منتخب ہوئے،سیکرٹری کی سیٹ پر ڈیموکریٹ پینل کے ڈاکٹر فرقان راؤ نے 1025 ووٹ حاصل کئے ،فنانس سیکرٹری کی سیٹ پر جرنلسٹ پینل کے عابد عباسی نے اپوزیشن اتحاد کے امیدوار رکو شکست دی،احتشام الحق نے 1202ووٹ لیکر سینئر نائب صدر منتخب ہو گئے،نائب صدور کی پوزیشن پر جرنلسٹ پینل کی سحر قریشی 1049 ووٹ حاصل کئے،یموکریٹ پینل کے عثمان خان نے 1015ووٹ اور بشیر چوہدری نے 1076ووٹ حاصل کر کے کامیابی حاصل کی ، جوائنٹ سیکرٹریز کی چاروں پوزیشن جرنلسٹ پینل کے امیدواران اپنےنام کرنے میں کامیاب رہے،جرنلسٹ گروپ کے شیراز گردیزی ۔1228ووٹ لیکر سینئر جوائنٹ سیکرٹری منتخب ہوئے،شکیلہ جلیل 1162 ، عون شیرازی نے 1121 اور جاوید بھاگٹ نے 865 ووٹ حاصل کر کے کامیابی اپنے نام کی،گورننگ باڈی کی پندرہ نشستوں پر نتائج اتوار کو سنائے جائیں گے

وفاقی وزیر اطلاعات عطا تارڑ نے کہا ہے کہ نیشنل پریس کے انتخابات میں نو منتخب صدر رزاق سیال کو کامیابی پر تہہ دل سے مبارکباد پیش کرتا ہوں. پر امید ہوں کہ نیشنل پریس کلب کی نو منتخب کابینہ صحافتی اقدار کی پاسداری اور صحافیوں کے مسائل کے حل کیلئے شب روز محنت کریں گے اور عوامی ایشوز کو اجاگر کرنے میں اپنا بھرپور کردار ادا کریں گے۔اس موقع پر احتشام الحق کو سینئر نائب صدر، سحرش قریشی، عثمان خان اور بشیر چوہدری کو نائب صدور، فرقان راؤ کو سیکریٹری، عابد عباسی، شیراز گردیزی، عون شیرازی، جاوید بھاگٹ اور شکیلہ جلیل سمیت تمام کابینہ کو بھی بھرپور مبارکباد. انشاءاللہ ہم مل کر صحافیوں کی فلاح و بہبود کے لیے کام کریں گے۔