حکومت نے یوم یکجہتی کشمیر کے موقع پر 5 فروری کو ملک بھر میں عام تعطیل کا اعلان کیا ہے۔ کابینہ ڈویژن کی جانب سے جاری نوٹیفکیشن کے مطابق اس دن صبح 10 بجے کشمیری عوام کے ساتھ یکجہتی کے اظہار کے لیے ایک منٹ کی خاموشی اختیار کی جائے گی۔
یاد رہے کہ بھارت نے 5 اگست 2019 کو آئین کے آرٹیکل 370 کو ختم کر کے مقبوضہ کشمیر کی خصوصی حیثیت ختم کردی تھی اور اسے دو وفاقی اکائیوں میں تقسیم کر دیا تھا۔ اس اقدام کے بعد مقبوضہ جموں و کشمیر میں کرفیو اور مواصلاتی بندش کے باعث شہریوں کو شدید مشکلات کا سامنا کرنا پڑا ہے۔ گزشتہ ماہ محدود موبائل ڈیٹا اور انٹرنیٹ خدمات بحال کی گئی ہیں، مگر خطے میں صورتحال اب بھی نازک ہے۔
یوم یکجہتی کشمیر: 5 فروری کو ملک بھر میں عام تعطیل
