نوجوان پاکستان کےمستقبل کی امید ، چیمپئن اور محافظ ہیں،رفعت مشتاق

آئی ایس پی آر ونٹر انٹرن شپ پروگرام کے تحت نوجوانوں کی فکری، اخلاقی اور پیشہ ورانہ تربیت کا سلسلہ کامیابی سے جاری ہے

آئی ایس پی آر ونٹرانٹرن شپ پروگرام طلباء کی شعوری بیداری اورمثبت قومی سوچ کی آبیاری میں مؤثر کردار ادا کر رہاہے،ممتاز تعلیمی شخصیت رفعت مشتاق نے آئی ایس پی آر ونٹرانٹرن شپ پروگرام 2026کے طلبہ و طالبات کیساتھ خصوصی گفتگو کی ہے،ممتاز تعلیمی شخصیت رفعت مشتاق کا کہنا تھا کہ نوجوان پاکستان کے مستقبل کی امید ، چیمپئن اور محافظ ہیں ، بلوچستان ہمارے سر کا تاج ہے اور اس سے ہمیں خاص محبت ہے، ہماری افواج دن رات سرحدوں کی حفاظت اور قوم کی رہنمائی کر رہی ہیں ، پاکستان ایشیاء کا دل ہے اس لیے ہمارے خلاف دشمن دہشت گردی کی سازش کرتا ہے ، نوجوانوں میں مایوسی، نفرت اور ناامیدی پھیلانے والے ہمارے دشمن ہیں ،پاک فوج ہم سے ہے اور ہم پاک فوج سے ہیں ، یہ پاکستانی قوم کا خوبصورت گل دستہ ہے. معرکۂ حق میں بھارتی میڈیا جعلی خبروں کو فروغ دے رہا تھا لیکن نوجوانوں نے جھوٹی خبروں کیخلاف جنگ جیتی ،

آئی ایس پی آر ونٹر انٹرن شپ پروگرام طلباء کی تخلیقی صلاحیتوں کو اجاگر کرنے اور انہیں نکھارنے کا بہترین ذریعہ بن چکا ہے