اوکاڑہ (نامہ نگار ملک ظفر ) اوکاڑہ تھانہ سٹی دیپالپور کے علاقہ نیو آلو منڈی کے قریب پولیس مقابلے میں ایک خطرناک ڈاکو ہلاک جبکہ ایک زخمی حالت میں گرفتار کر لیا گیا۔ پولیس کے مطابق ہلاک ڈاکو طوران خاں بین الاضلاعی گینگ کا سرغنہ اور متعدد سنگین مقدمات میں مطلوب تھا، جبکہ زخمی کی شناخت ابوبکر کے نام سے ہوئی۔ڈاکوایک شہری سے نقدی چھین کر فرار ہورہے تھے، اطلاع ملتے ہی ایس ایچ او تھانہ سٹی دیپالپور نے پولیس نفری کے ہمراہ ڈاکووں کا تعاقب کیا تو آلو منڈی دیپالپور کے قریب ملزمان نے فائرنگ شروع کر دی۔ پولیس اور ڈاکووں کی کراس فائرنگ کے دوران ایک ڈاکو اپنے ساتھیوں کی گولی سے ہلاک اور دوسرا زخمی ہوگیا جسے پولیس نے گرفتار کر لیا. پولیس نے چھینی گئی نقدی اور اسلحہ برآمد کر لیا جبکہ فرار ملزمان کی تلاش جاری ہے۔ تھانہ سٹی دیپالپور میں پولیس مقابلے کا مقدمہ درج کر لیا گیا
اوکاڑہ: مبینہ پولیس بین لااضلاعی ڈکیت گینگ کا سرغنہ ڈاکو ہلاک، ایک ڈاکو زخمی حالت میں گرفتار.
