اوکاڑہ(نامہ نگار ملک ظفر) ڈپٹی کمشنر احمد عثمان جاوید کی زیر صدارت اجلاس میں افسران کو عوامیر ریلیف کے احکامات، اس موقع پر تینوں ایڈیشنل ڈپٹی کمشنر اور اسسٹنٹ کمشنر سمیت ضلعی انتظامیہ اور دیگر متعلقہ محکموں کی افسران بھی اجلاس میں شریک تھے، ڈپٹی کمشنر احمد عثمان جاوید کو فلاح عامہ کے سلسلہ میں ضلعی انتظامیہ کے اقدامات کے بارے میں تفصیلی بریفنگ دی گئی، ڈپٹی کمشنر احمد عثمان جاوید نے ہدایات جاری کرتے ہوئے کہا کہ مہنگائی مافیا سے نبرد آزما ہونے کے لیے پرائس کنٹرول مجسٹریٹس انسپیکشنز کی تعداد میں اضافہ کریں، ٹرانسپورٹ گورننس کے تحت روڈ پر حکومتی ہدایات کی خلاف ورزی کرنے والے ٹرانسپورٹرز کے خلاف کریک ڈاؤن کیا جائے، ستھرا پنجاب مہم کے تحت ضلع بھر میں صفائی ستھرائی اور کوڑا کرکٹ کو ٹھکانے لگانے کے لیے اقدامات کا تسلسل برقرار رکھنا انتہائی اہم ہے، انہوں نے کہا کہ حالیہ متوقع بارشوں کے پیش نظر واسا حکام شہر سے بارشی پانی کی فوری انخلا کے لیے تیاریاں مکمل رکھیں، ڈپٹی کمشنر نے ترقیاتی منصوبوں کی بروقت تکمیل کے لیے مانیٹرنگ کا عمل تیز کرنے اور فیلڈ میں متحرک رہنے کی بھی ہدایات دیں، انہوں نے کہا کہ تمام ترقیاتی منصوبوں سے عوام کو مستفید کرنے کے لیے انہیں جلد از جلد مکمل کرنا ترجیحات میں شامل ہے اس لیے انہیں بروقت مکمل کر کے عوام کے معیار زندگی کو بلند کرنے کے لیے تمام افسران اپنا منفرد اور مثبت کردار ادا کریں۔
اوکاڑہ میں ڈپٹی کمشنر کی زیر صدارت اجلاس: عوامی ریلیف، مہنگائی مافیا اور ترقیاتی منصوبوں پر فوری اقدامات کی ہدایات
