وزیر اطلاعات عطا تارڑ نے اعلان کیا ہے کہ عید الفطر کے احترام میں آپریشن غضب للحق کو عارضی طور پر روک دیا گیا ہے۔
ان کے مطابق یہ فیصلہ اسلامی تہوار کے تقدس کو مدنظر رکھتے ہوئے کیا گیا، جبکہ برادر اسلامی ممالک کی درخواست کو بھی پیش نظر رکھا گیا۔
انہوں نے بتایا کہ سعودی عرب، ترکیے اور قطر کی جانب سے کی گئی درخواستوں کے بعد کارروائیوں کو عارضی طور پر معطل کیا گیا ہے۔
وزیر اطلاعات کے مطابق یہ آپریشن آج رات سے لے کر 23 اور 24 مارچ کی درمیانی رات تک روکا جائے گا، جس کے بعد صورتحال کا جائزہ لے کر آئندہ کا لائحہ عمل طے کیا جائے گا۔
عید الفطر کے احترام میں آپریشن غضب للحق عارضی طور پر معطل
