آئندہ کی جنگی صورتِحال میں پاکستان کیطرف سے سنگین نتائج کا سامنا کرنا پڑ سکتا ہے، بھارتی آرمی چیف

بھارتی آرمی چیف جنرل اوپیندر دویدی نے پاکستان کی کامیاب حکمت عملی کا اعتراف کرتے ہوئے تسلیم کیا کہ اگر بھارت نے دوبارہ پیش قدمی کی، تو صورتحال مختلف ہوسکتی ہے۔

بھارتی آرمی چیف اپیندر دویدی نے آئی آئی ٹی مدراس میں بھارتی فوج کے تحقیقاتی سیل کے افتتاح کے دوران کہا کہ بھارت کی سلامتی صرف فوج کی ذمہ داری نہیں ہے، بلکہ یہ ایک مشترکہ قومی کوشش ہے جس میں فوج، سائنسدان، صنعت، تعلیمی ادارے اور عوام کا کردار شامل ہےپاکستان کے ساتھ جنگ میں فتح دماغ میں ہوتی ہے، اور پاکستان نے اپنی کامیابی کو عوام میں مقبول بنانے کے لیے ایک مؤثر حکمت عملی اپنائی ہے،پاکستان میں تو جنگ کے بعد آرمی چیف کو فیلڈ مارشل بنا دیا گیا۔

اس خطاب میں جنرل دویدی نے سائبر دفاعی اقدامات کی اہمیت پر بھی زور دیا اور تسلیم کیا کہ اگلی بار بھارت نے پیش قدمی کی تو صورتحال مختلف ہوسکتی ہے،اگر بھارت نے پھر سے حملہ کیا، تو ہمیں نہیں معلوم کہ آیا وہ ملک جو پاکستان کے ساتھ لڑ رہا ہے، تنہا ہوگا یا کسی دوسرے ملک کی مدد حاصل کرے گا، اس صورت میں بھارت کو مزید احتیاط برتنی ہوگی کیونکہ اس بات کا امکان ہے کہ پاکستان تنہا نہ ہو۔

پاکستانی طیارے گرانے کے نئے بھارتی دعوے بے بنیاد اور مضحکہ خیز ہیں،عرفان صدیقی

جنرل دویدی نے اپنے خطاب میں آپریشن سندور کا ذکر کیا، جس میں مئی میں پاکستان اور آزاد کشمیر میں کی جانے والی حملوں کا مقصد پہلگام دہشت گرد حملے کا جواب دینا تھا ان حملوں میں جدید ٹیکنالوجی اور میڈیا کے ذریعے معلومات کی جنگ کی اہمیت کو اجاگر کیا گیا،پاکستان نے اپنی فوجی کامیابی کو عالمی سطح پر مؤثر طریقے سے پیش کیا اور بھارتی فوج کو مزید احتیاط برتنی ہوگی-

خیبرپختونخوا: صحت انصاف کارڈ میں اربوں روپےکی مالی بے ضابطگیوں کا انکشاف