پاکستان اور نیوزی لینڈ کے درمیان سہ ملکی سیریز کا فائنل آج کراچی میں کھیلا جا رہا ہے
پاکستان اور نیوزی لینڈ کے درمیان سہ ملکی سیریز کا فائنل آج کراچی کے نیشنل اسٹیڈیم میں کھیلا جا رہا ہے۔ پاکستان نے ٹاس جیت کر بیٹنگ کا فیصلہ کیا ہے۔
پاکستان کے کپتان محمد رضوان نے ٹاس کے موقع پر کہا کہ "پچ بیٹنگ کے لیے سازگار لگ رہی ہے، اس لیے ہم نے پہلے بیٹنگ کرنے کا فیصلہ کیا ہے۔ آج کا دن نیا ہے، ہم پوری کوشش کریں گے کہ ٹرافی اپنے نام کریں۔”اس میچ میں قومی ٹیم میں ایک تبدیلی کی گئی ہے۔ محمد حسنین کی جگہ فہیم اشرف کو پلیئنگ الیون میں شامل کیا گیا ہے۔
پاکستان کی ٹیم میں بابر اعظم، سعود شکیل، محمد رضوان، سلمان علی آغا، طیب طاہر، فہیم اشرف، خوشدل شاہ، شاہین شاہ آفریدی، نسیم شاہ اور ابرار احمد شامل ہیں۔
دوسری طرف نیوزی لینڈ کی ٹیم بھی اس فائنل میں بہترین کارکردگی کا مظاہرہ کرنے کے لیے پرعزم ہے، اور دونوں ٹیموں کے درمیان اس میچ میں زبردست مقابلہ متوقع ہے۔
پاکستانی کھلاڑیوں کی نظریں ٹرافی پر ہیں اور وہ اپنے شائقین کے سامنے کامیابی حاصل کرنے کے لیے تیار ہیں۔