پاکستان کی امریکا میں گرفتار افغان شہری کے حوالہ سے بے بنیاد خبروں کی تردید

پاکستان نے امریکی حکام کی جانب سے افغان شہری لقمان خان کی گرفتاری کے حوالے سے میڈیا پر پھیلائی جانے والی بے بنیاد خبروں کی سختی سے تردید کر دی ہے۔

ترجمان دفترخارجہ کے مطابق امریکی شہر ڈیلاویئر سے گرفتار لقمان خان کے پاس امریکہ اور افغانستان کی دہری شہریت موجود ہے۔ بتایا گیا کہ وہ زیادہ تر افغانستان میں مقیم رہا جبکہ کچھ عرصہ افغان پناہ گزین کیمپ میں بھی رہا۔ ترجمان نے کہا کہ 24 نومبر کو ڈیلاویئر سے گرفتار ہونے والے افغان نژاد لقمان خان پر امریکہ کے خلاف حملے کی منصوبہ بندی کا الزام ہے اور اس کے گھر اور گاڑی سے اسلحہ اور گولہ بارود بھی برآمد ہوا تھا،ترجمان دفترخارجہ کا کہنا ہے کہ کسی بھی خبر کو بغیر تصدیق کے نشر نہ کیا جائے، اس قسم کی خبریں غیر مصدقہ اور گمراہ کن ہیں۔