پاکستان خطے میں پیشہ ورانہ انداز میں ثالثی کا کردار ادا کر رہا ہے،ایران

ایرانی وزارت خارجہ کے ترجمان اسماعیل بقائی نے کہا ہے کہ پاکستان خطے میں پیشہ ورانہ انداز میں ثالثی کا کردار ادا کر رہا ہے اور مختلف سفارتی معاملات میں ذمہ دارانہ رویہ اختیار کیے ہوئے ہے۔

پریس بریفنگ کے دوران ترجمان اسماعیل بقائی نے واضح کیا کہ ایران نے خطے کے مجموعی مفادات کو سامنے رکھتے ہوئے امریکی تجاویز کا تفصیلی جواب دیا ہے۔ ان کا کہنا تھا کہ ایران اپنی خارجہ پالیسی میں علاقائی استحکام اور باہمی احترام کو بنیادی اہمیت دیتا ہے۔اسماعیل بقائی نے مزید کہا کہ چین کو بھی ایران کی جانب سے آگاہ کر دیا گیا ہے کہ امریکی اقدامات خطے میں بے چینی اور عدم استحکام کا باعث بن سکتے ہیں، جو کسی بھی طور پر خطے کے مفاد میں نہیں۔

دوسری جانب عالمی سفارتی ذرائع کے مطابق سابق امریکی صدرڈونلڈٹرمپ آئندہ بدھ کو چین کے سرکاری دورے پر بیجنگ پہنچ رہے ہیں۔ اس دورے کو عالمی سطح پر نہایت اہم قرار دیا جا رہا ہے، جس کے دوران امریکہ، چین اور دیگر علاقائی ممالک کے درمیان سفارتی تعلقات اور پالیسی امور پر بات چیت کا امکان ہے۔تجزیہ کاروں کے مطابق موجودہ صورتحال میں مشرق وسطیٰ اور ایشیا میں بڑھتی ہوئی سفارتی سرگرمیاں عالمی طاقتوں کے درمیان تعلقات کے نئے رخ کی نشاندہی کر رہی ہیں، جس میں پاکستان جیسے ممالک کا ثالثی کردار اہمیت اختیار کرتا جا رہا ہے۔