وزیراعظم شہباز شریف نے سماجی رابطے کی ویب سائٹ ایکس پر اپنے بیان میں کہا ہے کہ پاکستان امریکا اور ایران کے درمیان مذاکرات کی میزبانی کیلئے تیار ہے۔
وزیراعظم نے اپنے پیغام میں ڈونلڈ ٹرمپ، اسٹیو وٹکوف اور عباس عراقچی کو ٹیگ کرتے ہوئے کہا کہ پاکستان دونوں ممالک کے درمیان بات چیت کیلئے مثبت کردار ادا کرنے کو تیار ہے۔ انہوں نے واضح کیا کہ یہ میزبانی صرف اسی صورت ممکن ہوگی جب امریکا اور ایران دونوں اس پر رضامند ہوں۔
وزیراعظم کا کہنا تھا کہ خطے میں امن و استحکام کے لیے مذاکرات ناگزیر ہیں اور پاکستان ہمیشہ سے سفارتی حل کی حمایت کرتا آیا ہے۔ انہوں نے اس امید کا اظہار بھی کیا کہ بات چیت کے ذریعے کشیدگی میں کمی لائی جا سکتی ہے۔
پاکستان امریکا اور ایران مذاکرات کی میزبانی کیلئے تیار، وزیراعظم شہباز شریف
