وزارت خزانہ کے مطابق پاکستان اگلے تین سال کے دوران 2.75 ارب ڈالر مالیت کے بین الاقوامی بانڈز جاری کرنے کا منصوبہ رکھتا ہے۔ رواں ماہ کے آخر یا فروری میں 25 کروڑ ڈالر مالیت کے پانڈا بانڈ کے اجرا کی تیاری ہے، جس کی مالیت بتدریج ایک ارب ڈالر تک لے جانے کا ہدف ہے۔
ذرائع کا کہنا ہے کہ پانڈا بانڈز کے علاوہ چینی مارکیٹ اور بین الاقوامی کیپٹل مارکیٹ سے بھی سرمایہ کاری حاصل کی جائے گی۔ اگلے مالی سال تک بانڈز کا حجم بڑھ کر ایک ارب ڈالر تک پہنچنے کا امکان ہے۔
بین الاقوامی بانڈز کے اجرا سے بیرونی کمرشل فنانسنگ میں بہتری آئے گی اور آنے والے برسوں میں مالیاتی خلا کو کم کرنے میں مدد ملے گی۔ وزارت خزانہ کے حکام کے مطابق عالمی ایجنسیوں کی جانب سے پاکستان کی کریڈٹ ریٹنگ میں بہتری آرہی ہے، اور میکرو اکنامک صورتحال میں مزید استحکام سے بیرونی سرمایہ کاری کے مواقع بڑھیں گے۔
پاکستان اگلے 3 سال میں 2.75 ارب ڈالر مالیت کے بین الاقوامی بانڈز جاری کرے گا
