پاکستان اور ترکی کے درمیان ایوبی سلطنت کے بانی سلطان صلاح الدین ایوبی کی زندگی پر مبنی مشترکہ ڈرامہ سیریل تیار کرنے کا معاہدہ طے پا گیا ترکی اور پاکستان صلاح الدین ایوبی کی زندگی پر مشترکہ طور پر ٹی وی سیریز بنائیں گے۔
سماجی رابطے کی ویب سائٹ ٹوئٹرپر ترکی کی اکلی فلمز کے پروڈیوسر ایمری کونوک نے پاکستان کی انصاری اینڈ شاہ فلمز کے ساتھ طے پانے والے معاہدے کا اعلان تین زبانوں ےترکی انگلش اور اردو میں کیا ۔
مبارک جمعہ کی رات ایک خوشخبری! الحمدللہ ترکی کی اے کے ایل آئی فلمز اور پاکستان کی انصاری شاہ فلمز کے درمیان 'دی لائف آف سلطان صلاح الدین ایوبی' کے بارے میں معاہدہ ہوا۔ اللہ سے دعا کرتے ہیں کہ اس بین الاقوامی منصوبے کو دنیا کے باسیوں کے لیے امن ، محبت بقائے باہمی کی امید بنائے۔
— Emre KONUK (@emrekonukk) August 20, 2021
ایمری کونوک نے لکھا کہ مبارک جمعہ کو خوشخبری، اکلی فلمز اور انصاری اینڈ شاہ فلمز کے درمیان سلطان صلاح الدین ایوبی کی زندگی پر فلم بنانے کا معاہدہ ہوا ہے۔
ایمری کونوک کا کہنا تھا کہ بین الاقوامی مشترکہ منصوبہ ہمارے ملک اور فن کی دنیا کے لیے سودمند ثابت ہو گا۔
ترکی اور پاکستانی اداکاروں پر مشتمل اس نئی سیریز کی شوٹنگ ترکی میں کی جائے گی جس کے تین سیزن ہوں گے۔
Turkey, Pakistan to co-produce series on revered Muslim general Saladin @TRTWorld https://t.co/mx5o8bSQyV
— Emre KONUK (@emrekonukk) August 22, 2021
واضح رہے کہ سلطان صلاح الدین ایوبی ایوبی سلطنت کے بانی تھے اور وہ نہ صرف تاریخ اسلام بلکہ تاریخ عالم کے مشہور ترین فاتحین حکمرانوں میں سے ایک تھے صلاح الدین ایوبی نے 1187 میں یورپ کی متحدہ افواج کو عبرتناک شکست دے کر بیت المقدس کو آزاد کروایا تھا۔