ٹی ٹوئنٹی ورلڈکپ: پاکستان کا واحد وارم اپ میچ بارش کے باعث منسوخ


آئی سی سی مینز ٹی ٹوئنٹی ورلڈ کپ سے قبل پاکستان کا واحد وارم اپ میچ بارش کے سبب منسوخ ہوگیا۔
پاکستان کو 2026 کے ٹی ٹوئنٹی ورلڈ کپ میں آئرلینڈ کے خلاف کولمبو میں اپنا واحد وارم اپ میچ کھیلنا تھا، لیکن مسلسل بارش کی وجہ سے یہ میچ بغیر کوئی گیند کھیلے منسوخ کر دیا گیا۔
‎وارم اپ میچ کی منسوخی سے پاکستان ٹیم کو سری لنکا کی کنڈیشنز میں تیار ہونے کا موقع نہیں ملا۔
‎پاکستان اپنی مہم 7 فروری کو کولمبو میں نیدرلینڈز کے خلاف شروع کرے گا، جبکہ اسی وینیو پر وہ 10 فروری کو امریکا اور 18 فروری کو نامیبیا کے خلاف گروپ میچز کھیلیں گے۔
‎گرین شرٹس کو 15 فروری کو کولمبو میں بھارت کے ساتھ میچ کھیلنا تھا، لیکن حکومت پاکستان نے بھارت کے خلاف میچ کھیلنے سے روک دیا۔