بلوچستان میں مرکزی جامع مسجد کے قریب زور دار دھماکہ، ایک شخص جاں بحق، 9 زخمی ہو گئے
پنجگور کے علاقے چتکان میں مرکزی جامع مسجد کے قریب مین روڈ پر زور دار دھماکہ ہوا ہے، جس کے نتیجے میں ایک شخص موقع پر ہی جاں بحق جبکہ 9 افراد زخمی ہو گئے۔ ریسکیو ذرائع کے مطابق زخمیوں میں سے 3 کی حالت تشویشناک بتائی جا رہی ہے جنہیں فوری طور پر ہسپتال منتقل کر دیا گیا ہے۔ ابتدائی طور پر دھماکے کی نوعیت کا تعین کیا جا رہا ہے۔سیکیورٹی فورسز نے بروقت کارروائی کرتے ہوئے علاقے کو گھیرے میں لے لیا، سرچ آپریشن جاری ہے۔