پسرور ( باغی ٹی وی، نامہ نگاروقاص اسلم)ملک بھر کی طرح تحصیل پسرور میں بھی ٹریفک قوانین کی خلاف ورزی کرنے والوں کے خلاف کارروائیاں تیز کر دی گئی ہیں۔
وزیراعلیٰ پنجاب مریم نواز کی ہدایت پر ٹریفک پولیس نے بغیر ڈرائیونگ لائسنس، بغیر نمبر پلیٹ موٹر سائیکلوں اور دھواں چھوڑنے والی گاڑیوں کے خلاف سخت چیکنگ شروع کر دی۔ خلاف ورزیوں پر موقع پر جرمانے کیے جا رہے ہیں جبکہ متعدد گاڑیوں اور موٹرسائیکلوں کے مالکان کے خلاف ایف آئی آرز بھی درج کی جا رہی ہیں۔
انسپکٹر یاسر نے کہا کہ شہریوں کی جان و مال کا تحفظ ان کی اولین ترجیح ہے اور ٹریفک قوانین پر عملدرآمد یقینی بنانے کے لیے کارروائیاں جاری رہیں گی۔