پی آئی اے کو مارکیٹ ویلیو سے کم میں فروخت کرنے کا تاثر غلط ہے، سیکریٹری نجکاری کمیشن

حکومت کو پی آئی اے کے باقی 25 فیصد حصص کی فروخت سے تقریباً 45 ارب روپے حاصل ہونے کا امکان ہے-

سینیٹ کی قائمہ کمیٹی برائے نجکاری کا اجلاس ہوا، جس کی صدارت سینٹر ڈاکٹر افنان اللہ خان نے کی، اجلاس میں نجکاری کمیشن کے سیکریٹری عثمان اختر باجوہ نے بتایا کہ حکومت کو پی آئی اے کے باقی 25 فیصد حصص کی فروخت سے تقریباً 45 ارب روپے حاصل ہونے کا امکان ہے، جس سے پی آئی اے کی کل فروخت کی آمدنی تقریباً 55 ارب روپے تک پہنچ جائے گی۔

انہوں نے بتایا کہ نجکاری کے لین دین کی مالی تکمیل اپریل کے آخر تک متوقع ہے عارف حبیب کی قیادت میں کنسورشیم نئی انتظامیہ اور چیف ایگزیکٹو آفیسر تلاش کر رہا ہے، جبکہ کابینہ کمیٹی کی منظوری کے بعد فوجی فرٹیلائزر کمپنی بھی اس کنسورشیم میں شامل ہوگی عارف حبیب کنسورشیم 29 اپریل تک باقی حصص خرید سکتا ہے انہوں نے واضح کیا کہ پی آئی اے کو مارکیٹ ویلیو سے کم میں فروخت کرنے کا تاثر غلط ہے۔

افواج پاکستان نے کابل اور ننگرہار میں 6 دہشت گرد ٹھکانوں کو نشانہ بنایا، عطا اللہ تارڑ

سیکریٹری نے بتایا کہ نجکاری سے قبل پی آئی اے کی خالص اثاثہ قدر صرف 9 ارب روپے تھی، لیکن حکومت نے اثاثوں کی دوبارہ قیمت لگانے کے بعد اس کی خالص اثاثہ قدر بڑھا دی پی آئی اے کے کل واجبات 125 ارب روپے تھے جو اب نئی انتظامیہ کو منتقل کر دیے گئے ہیں۔

اجلاس میں بتایا گیا کہ کنسورشیم نے پی آئی اے ایکویٹی لمیٹڈ کے نام سے نئی کمپنی قائم کی ہے، جس میں تمام شیئر ہولڈرز شامل ہوں گے اور نجکاری کے عمل میں کوئی بڑی رکاوٹ باقی نہیں ہے اس مقصد کے لیے دو ورکنگ گروپس بھی قائم کیے گئے ہیں جو مرکزی اسٹیئرنگ کمیٹی کو رپورٹس پیش کر رہے ہیں۔

فروری میں کرنٹ اکاؤنٹ سرپلس 427 ملین ڈالر ریکارڈ

پی آئی اے ہولڈنگ کمپنی کی پراپرٹیز کے حوالے سے بریفنگ میں بتایا گیا کہ کمپنی کی مختلف جائیدادوں کی مجموعی قیمت تقریباً 12 ارب روپے ہے، جبکہ 180 ارب روپے کے واجبات بھی ہولڈنگ کمپنی کو منتقل کیے گئے ہیں۔ اسلام آباد کے نیو بلیو ایریا میں واقع ایک پلاٹ کی قیمت تقریباً 3 ارب روپے بتائی گئی۔

پی آئی اے کے افسران نے کمیٹی کو بتایا کہ 2024 میں کمپنی کا منافع 7.3 ارب روپے رہا جبکہ سیکیورٹیز اینڈ ایکسچینج کمیشن آف پاکستان کو 26 ارب روپے کا منافع رپورٹ کیا گیا اجلاس میں ریٹائرڈ ملازمین اور پنشنرز کو فراہم کی جانے والی طبی سہولیات پر بھی بات کی گئی، اور کمیٹی نے فوری اقدامات کے احکامات جاری کیے۔

ابوظہبی میں میزائل کا ملبہ گرنے سے ایک پاکستانی جاں بحق

کمیٹی نے نجکاری کے مختلف پہلوؤں، پی آئی اے کی جائیدادوں اور نئے طیارے کی خریداری پر دی جانے والی جی ایس ٹی چھوٹ کے بارے میں بھی سوالات اٹھائے گوادار انٹرنیشنل ائیرپورٹ کی اہمیت پر زور دیتے ہوئے کہا گیا کہ اس کے قریب وسطی ایشیا اور مشرق وسطیٰ ہونے کی وجہ سے اسے علاقائی ٹریفک کے لیے مؤثر طور پر استعمال کیا جا سکتا ہے۔