وزیراعظم محمد شہباز شریف نے نوجوانوں کو ہنر مند بنانے اور روزگار کے مواقع بڑھانے پر زور دیا ہے
اسلام آباد میں وزیراعظم محمد شہباز شریف کی زیر صدارت اجلاس میں نوجوانوں کے لیے روزگار کے مواقع بڑھانے اور فنی و تکنیکی تربیت کے فروغ کا جائزہ لیا گیا۔ وزیراعظم نے رانا مشہود احمد خان کی سربراہی میں پی ایم یوتھ پروگرام کی کارکردگی پر اطمینان کا اظہار کرتے ہوئے کہا کہ نوجوان ملک کا مستقبل ہیں اور انہیں جدید تقاضوں کے مطابق مہارتیں فراہم کرنا حکومت کی اولین ترجیح ہے۔
اجلاس میں بریفنگ دی گئی کہ پی ایم یوتھ ہب کے ذریعے قومی و بین الاقوامی سطح پر ملازمت کے مواقع کی نشاندہی کی جا رہی ہے جبکہ آئی ٹی، صحت، تعمیرات اور دیگر شعبوں میں بیرون ملک بھی روزگار کے وسیع مواقع موجود ہیں۔ مزید بتایا گیا کہ جامعات کے فارغ التحصیل طلبہ کی ڈیجیٹل ٹریکنگ، میٹرک ٹیک پروگرام کے اجرا اور جلد انٹر ٹیک کے آغاز جیسے اقدامات سے نوجوانوں کو ہنر مند بنا کر افرادی قوت میں مؤثر انداز میں شامل کیا جا رہا ہے۔