پی ایس ایل کی نئی ٹیموں کی نیلامی سے علی ترین دستبردار ہوگئے۔ انہوں نے سوشل میڈیا پوسٹ پر دستبرداری سے آگاہ کیا۔
پاکستان سپر لیگ میں 2 نئی ٹیموں کی شمولیت کیلئے بولی کیلئے 9 خریداروں میں مقابلہ ہوگا۔ملتان سلطانز کے سابق مالک علی ترین نے سوشل میڈیا پر نیلامی سے دستبرداری سے متعلق آگاہ کردیا۔انہوں نے کہا کہ فیملی سے مشورہ کرکے دستبردار ہونے کا فیصلہ کیا، پی ایس ایل میں واپسی ہوگی تو جنوبی پنجاب کیلئے ہوگی، ملتان سلطانز کی ٹیم فروخت کیلئے آئے گی تو ہم تیار ہوں گے۔
دوسری جانب اسلام آباد کے جناح کنونشن سینٹر میں پاکستان سپر لیگ کے آکشن کا باقاعدہ آغاز ہو گیا، جس میں چیئرمین پی سی بی محسن نقوی اور سی ای او پی ایس ایل سلمان نصیر سمیت تمام نو بڈرز شریک ہیں۔