الیکشن کمیشن نے تحریکِ انصاف نظریاتی کے انٹرا پارٹی انتخابات کو باضابطہ طور پر تسلیم کرتے ہوئے سرٹیفیکیٹ جاری کر دیا ہے۔
جاری اعلامیے کے مطابق پارٹی کے انٹرا پارٹی انتخابات کا سرٹیفیکیٹ شائع کر دیا گیا ہے، جس کے تحت اختر اقبال ڈار بلا مقابلہ تحریکِ انصاف نظریاتی کے چیئرمین منتخب قرار پائے ہیں۔
اعلامیے میں مزید کہا گیا ہے کہ یہ انتخابات 7 جنوری کو منعقد ہوئے تھے، جن میں پارٹی کارکنان اور سابقہ عہدیداران نے بھرپور شرکت کی۔سیاسی مبصرین کے مطابق الیکشن کمیشن کی جانب سے انتخابات کی توثیق کے بعد پارٹی کی تنظیمی حیثیت مزید مستحکم ہو گئی ہے اور آئندہ سیاسی سرگرمیوں میں تیزی آنے کا امکان ہے۔