وزیر تعلیم پنجاب رانا سکندر حیات نے بتایا کہ صوبے بھر میں اسکول، کالجز اور دیگر تعلیمی ادارے اب 19 جنوری سے دوبارہ کھولے جائیں گے، جبکہ سردیوں کی چھٹیاں 18 جنوری تک برقرار رہیں گی۔
وزیر تعلیم کے مطابق سرد موسم اور طلبہ و اساتذہ کی صحت کو مدنظر رکھتے ہوئے چھٹیوں میں اضافے کا فیصلہ کیا گیا۔ ان کا کہنا تھا کہ یہ فیصلہ متعلقہ محکموں اور ماہرین سے مشاورت کے بعد کیا گیا ہے تاکہ تعلیمی سرگرمیاں محفوظ ماحول میں بحال کی جاسکیں۔
محکمہ تعلیم نے تمام سرکاری اور نجی تعلیمی اداروں کو ہدایات جاری کردی ہیں کہ وہ نئی تاریخ کے مطابق تعلیمی شیڈول ترتیب دیں۔
پنجاب بھر کے تعلیمی اداروں میں سردیوں کی چھٹیوں میں مزید توسیع کردی گئی ہے۔
