اپوزیشن ارکان نے قومی اسمبلی میں قائد حزب اختلاف کی فوری تقرری کا مطالبہ کردیا۔
چیف وہپ عامر ڈوگر نے74 ارکان کے دستخط کے ساتھ محمود اچکزئی کی بطور اپوزیشن لیڈر نامزدگی کی درخواست قومی اسمبلی میں جمع کروا دی۔ اسپیشل سیکریٹری قومی اسمبلی نے درخواست وصول کی، ڈائری نمبر بھی لگادیا۔اپوزیشن ارکان نے قائد حزب اختلاف کی فوری تقرری کا مطالبہ کردیا، خط میں کہا گیا ہے کہ محمود خان اچکزئی اکثریتی اپوزیشن ارکان کا اعتماد رکھتے ہیں، قائد حزب اختلاف کا عہدہ طویل عرصے سے خالی ہے، محمود اچکزئی کی بطور اپوزیشن لیڈر تقرری کا عمل مکمل کیا جائے۔