قوم پرست جماعت کے سرگرم کارکنان نے پاکستان کے پرچم تھام لئے
باغی ٹی وی کی رپورٹ کے مطابق نوشھرو فيروز میں قوم پرست جماعت کے سرگرم کارکنان نے پاکستان کے پرچم تھام لئے
قوم پرست جماعت جسقم یونٹ مچر کے صدرعبدالخالق وسطڑو سمیت 21 سرگرم کارکنان نے جسقم اور جسمم کو چھوڑنے کا اعلان کردیا۔ کارکنان نے پاکستانی پرچم لہراکر پاکستان زندہ آباد کے نعرے لگائے۔
قوم پرست جماعت کے سرگرم کارکنان نے پاکستان کے پرچم تھام لئے#baaghitv #pakistan #PakistanMovingForward #Pakistani #WelcomeToPakistan #sindh pic.twitter.com/KrMcQauBN1
— Baaghi TV باغی ٹی وی (@BaaghiTV) January 16, 2021
نیشنل پریس کلب نوشہروفیروز میں پریس کانفرنس کرتے ہوئے انہوں نے کہا کہ دورانِ تعلیم ہماراتعلق قومپرست جماعت سے جڑگیا اور ابتدائی طور پر ہمیں اور ہمارے ساتھیون کو اپنے حقوق کی جنگ پر متحرک کیا گیا اور آہستہ آہستہ یہ مطالبہ ملک دشمن کاروائیوں کی صورت اختیار کرگیا۔ اور آج ہمیں اس بات کا احساس ہوا کہ ہم اپنے ہی پیارے وطن کے خلاف نعرے لگاتے اور ریلیاں نکالتے رہے۔ جس وطن نے ہمیں عزت دی پہچان دی ہم اسی کے خلاف بات کرتے رہے۔
پاکستان کا پرچم تھامنے والے کارکنان کا کہنا تھا کہ وطن کی محبت کے احساس کے ساتھ آج ہم جسقم اور جسمم جیسی تنظیموں سے اپنا تعلق توڑکر اپنے پیارے وطن پاکستان کی عزت اور وقار بلند سے بلند کرنے کا عزم کرتے ہیں اس موقع پر پاک فوج زندہ باد کے نعرے بھی لگائے گئے