مرکزی مسلم لیگ کے صدر خالد مسعود سندھو نے کہا ہے کہ پاکستان کے موجودہ حالات میں ضروری ہے کہ ہم قوم کو متحد کریں ،دہشتگردی کے خلاف جنگ جیتنے کے لئے قوم ریاست کے ساتھ کھڑی ہے، کورٹ رپورٹرز ایسوسی ایشن کے نومنتخب عہدیداران کو مبارکباد پیش کرتے ہیں، امید کرتے ہیں صحافیوںکےحقوق کے لئے نومنتخب باڈی اپنی تمام تر ذمہ داریاں ادا کرے گی
ان خیالات کا اظہار انہوں نے سنٹرل میڈیا سیل میں کورٹ رپورٹرز ایسوسی ایشن کی منتخب باڈی کے اعزاز میں منعقدہ تقریب سے خطاب کرتے ہوئے کیا، اس موقع پر مرکزی ترجمان تابش قیوم، ڈپٹی سیکرٹری اطلاعات طہ منیب بھی موجود تھے،کورٹ رپورٹرز ایسوسی ایشن کا وفد نومنتخب صدرمحمد اشفاق کی قیادت میں مرکزی مسلم لیگ کے سنٹرل میڈیا سیل پہنچا تو پرتپاک خیر مقدم کیا گیا،وفد میں کورٹ رپورٹرایسوسی ایشن کے سیکرٹری جنرل محمد ہارون،سینئر نائب صدر عمران احسان،نائب صدر شیخ زین العابدین،سیکرٹری فنانس رانا بلال،نائب صدر ڈسٹرکٹ کورٹس نعمان نور،جوائنٹ سیکرٹری افضل سیال، سیکرٹری اطلاعات سلمان اعوان،سیکرٹری ڈیجیٹل اسد شاہ،اراکین وقاص اعوان،طلحہ قریشی،طارق خان،ناطق ریحان و دیگر نے شرکت کی، تقریب کے اختتام پر شرکا میں تحائف بھی تقسیم کئے گئے ،خالد مسعود سندھو کا کہنا تھا کہ کورٹ رپورٹرز ایسوسی ایشن کا انتخابات جیتنے پر تمام عہدیداران کو مبارکباد دیتے ہیں،صحافی برادری نے آپ کو چنا، آپ پر اعتماد کیا ،یہ بہت بڑی کامیابی ہے،میڈیا کا کردار معاشرے کی بہتری،تربیت کے لئے انتہائی اہم ہے،موجودہ دور میں رپورٹنگ کا معیار پہلے سے بہتر ہوا ہے،
خالد مسعود سندھو کا مزید کہنا تھا کہ مرکزی مسلم لیگ ملک میں خدمت کی سیاست کر رہی ہے، سیاسی جماعتوں کا کام صرف الیکشن لڑنا نہیں بلکہ الیکشن کے بعد اصل کام شروع ہوتا ہے ۔مرکزی مسلم لیگ نظریہ پاکستان کی بنیاد پر قوم کو متحد کر رہی ہے،دہشتگردی کے خلاف جنگ میں سیاست نہیں کرنی بلکہ ملک کے دفاع و مضبوطی کے لئے سب کو ایک ہونا چاہئے،
اس موقع پر مرکزی مسلم لیگ کے مرکزی ترجمان تابش قیوم کا کہنا تھا کہ مرکزی مسلم لیگ نے ملک بھر میں یونین کونسل کی سطح پر انٹرا پارٹی انتخابات کروائے ہیں ۔ملک بھر کی 1300 یونین کونسل میں دوران انٹرا پارٹی انتخابات10 لاکھ سے زیادہ ووٹ ملے ۔انتخابات میں خواتین،یوتھ سمیت تمام شعبہ ہائے زندگی سے تعلق رکھنے والے افرادنے حصہ لیا، مرکزی مسلم لیگ وطن عزیز پاکستان کی بہتری کے لئے کام کر رہی ہے،بے روزگاری کے خاتمے کے لئے اپنا کماؤ پروگرام کے تحت لاکھوں شہریوں کو تربیت دی،صحافیوں کے لئے بھی تربیتی کورسزکروائے ہیں اور مزید کروائیں گے،
کورٹ رپورٹرز ایسوسی ایشن کے وفد نے اپنا کماؤ کے دفتر کا بھی دورہ کیا، اپنا کماؤ کے ڈائریکٹر ملک وقاص سعید نے وفد کا استقبال کیا،اس موقع پر ملک وقاص سعید نے وفد کے اپنا کماؤ کے تربیتی کورسز بارے بریفنگ دی، ملاقات میں طے پایا کہ جلد کورٹ رپورٹرز ایسوسی ایشن کے لئے بھی تربیتی کورسز کا انعقاد کیا جائے گا.