شاہ محمود قریشی کا پاکستانی قیادت کی جانب سے آسٹریا کی حکومت اور عوام کے ساتھ اظہار یکجہتی
باغی ٹی وی کی رپورٹ کے مطابق وزیر خارجہ مخدوم شاہ محمود قریشی نے آسٹریا کے دارالحکومت ویانا میں ہونیوالے دہشتگردانہ حملے کی شدید مذمت کی ہے
وزیر خارجہ شاہ محمود قریشی کا کہنا تھا کہ آسٹریا کے شہر ویانا میں دہشت گردی آور بے گناہ افراد کی ہلاکت کی اطلاعات انتہائی افسوس ناک ہے دہشتگردی کے اس واقعہ کے نتیجے میں ہونیوالے جانی نقصان پر دکھ اور افسوس ہے
مخدوم شاہ محمود قریشی کا کہنا تھا کہ پاکستان، ہر طرح کی دہشتگردی کی مذمت کرتا ہے،وزیر خارجہ شاہ محمود قریشی نے پاکستانی قیادت کی جانب سے آسٹریا کی حکومت اور عوام کے ساتھ اظہار یکجہتی کیا
ویانا حملے پراقوام متحدہ کے جنرل سیکریٹری انتونیوگوئتریس نے مذمت کی ہے،یواین جنرل سیکریٹری انتو نیو گوئتریس نے حکومت آسٹریا سے اظہار یکجہتی کیا ہے.
پاکستان کی وفاقی وزیربرائے انسانی حقوق شیریں مزاری نے ویانا حملے کی مذمت کی ہے،شیریں مزاری کا کہنا تھا کہ ویانا میں حملے قابل مذمت ہیں،
یہودی عبادت گاہ کے قریب چھ مقامات پر حملے
واضح رہے کہ آسٹریا کے دارالحکومت ویانا میں نامعلوم افراد کی فائرنگ سے 3 شہری ہلاک اور 15 زخمی ہوگئے ہیں۔ خبر رساں ادارے کے مطابق حملہ آوروں نے سٹی سینٹر سمیت چھ مختلف مقامات کو نشانہ بنایا۔ آسڑین وزیرداخلہ کے مطابق ایک حملہ آور مارا جاچکا ہے اور لیکن دوسرا تا حال فرار ہے.سیکیورٹی فورسز علاقے میں سرچ آپریشن کر رہی ہیں اور حکومت نےآج اسکول بند کرنے کا اعلان کیا ہے۔ وزیرداخلہ کارل نیہامر نے مقامی میڈیا سے بات کرتے ہوئے کہا کہ ’فائرنگ کا یہ واقعہ دہشتگرد حملہ ہے.
ویانا حملہ،ویڈیو سامنے آ گئی، پاکستان، امریکہ،فرانس ودیگر ممالک کی مذمت