ایران کے صدر مسعود پزشکیان نے خطے کے ممالک کو خبردار کرتے ہوئے کہا ہے کہ اگر وہ ترقی اور امن کے خواہاں ہیں تو انہیں اپنی سرزمین کو ایران کے خلاف استعمال ہونے سے روکنا ہوگا۔ ان کا کہنا تھا کہ ایران بارہا واضح کر چکا ہے کہ وہ کسی بھی قسم کی جارحیت میں پہل نہیں کرتا۔
صدر پزشکیان نے اپنے بیان میں مزید کہا کہ ایران ہمیشہ خطے میں استحکام اور تعاون کا حامی رہا ہے، لیکن اگر اس کے بنیادی ڈھانچے یا اقتصادی مراکز کو نشانہ بنایا گیا تو اس کا سخت اور بھرپور جواب دیا جائے گا۔ انہوں نے زور دیا کہ خطے کے ممالک کو چاہیے کہ وہ ایسے عناصر سے دور رہیں جو ایران کے خلاف سرگرم ہیں، کیونکہ اس طرح کی سرگرمیاں پورے خطے کے امن کو متاثر کر سکتی ہیں۔
انہوں نے یہ بھی کہا کہ باہمی احترام اور تعاون ہی خطے میں پائیدار امن کی ضمانت ہے، اور کسی بھی ملک کو اپنی زمین دشمن قوتوں کے لیے استعمال کرنے کی اجازت نہیں دینی چاہیے۔
خطے کے ممالک اپنی سرزمین ایران کے خلاف استعمال نہ ہونے دیں، ایرانی صدر
