رینالہ خورد (نامہ نگار،لیاقت علی) ایڈیشنل سیشن جج کی عدالت نے بیوی کو قتل کرنے کے جرم میں ملزم کو عمر قید اور پانچ لاکھ روپے جرمانے کی سزا سنا دی۔
تفصیلات کے مطابق تھانہ صدر رینالہ خورد کی حدود چک نمبر 3 ون آر اے کے رہائشی غلام علی نے مئی 2025 میں اپنی بیوی صدف کو تیز دھار آلے (بلیڈ) سے گلا کاٹ کر بے دردی سے قتل کر دیا تھا۔ پولیس نے مقدمہ درج کر کے تفتیش مکمل کرنے کے بعد چالان عدالت میں پیش کیا۔
ایڈیشنل سیشن جج شبریز اختر راجہ نے شواہد کی بنیاد پر ملزم کو عمر قید اور پانچ لاکھ روپے جرمانے کی سزا سنائی، جبکہ جرمانے کی عدم ادائیگی کی صورت میں مزید چھ ماہ قید بھگتنا ہوگی۔