اُردُو زبان کے فروغ میں عُلماء و مدارس کا کردار،تحریر : یوسف طاہر

ھماری قومی زبان اردو مختلف عالمی زبانوں جیسا کہ عربی، فارسی اور ترکی وغیرہ کا ایک شائستہ امتزاج ھے۔ اردو برصغیر کی تمام اقوام کے رابطے اور اظہار کی زبان ہے۔

اس زبان کو ترتیب دینے کا سبب اگر مختلف اقوام کا میل جول بنا۔ اسکی ترقی میں مغلیہ درباروں، ادباء، شعراء اور تخلیق کاروں نے اپنا اپنا حصہ ڈالا تو اسکو پھیلانے میں سب سے مؤثر کردار علماء اور مدارس کا ہے۔ انکی بدولت ہی اردو زبان درباروں، ایوانوں اور کلیات سے نکل کر مجالس تک پہنچی، جہاں اسے تقویت ملی اور اسکے ارتقاء کا سفر جاری ہوا۔جو آج تک عمدگی سے جاری ہے۔
اس وقت بدقسمتی سے ھمارے ملک میں تعلیمی زبان انگریزی بن چکی ہے جسکا اپنا مستقبل پائیدار نہیں۔ کیونکہ (جدید روابط کی زبان سے ایک نئی زبان گلوبش تشکیل پا رہی ہے) انگریزی زبان، ھر شخص کی نفسیات کو ٹھوس اور جامد طریقے سے منفی طور پر متأثر کر رہی ہے۔اس زبان کے سبب معاشرہ سماجی تفاوت کا شکار ہو رہا ہے۔
اردو زبان کی ترویج میں انگریز نے سن 1803 میں فورٹ ویلیئم کالج کلکتہ کی بنیاد رکھی جہاں برطانوی افسران کو اردو زبان مخصوص اردو میں سکھائی جاتی مثلاً یہ ایک کتاب ہے۔ Yeh ek kitab hae. جیسا کہ اب ھم موبائیل پہ پیغام یا گفتگو کرتے ہیں۔
چونکہ اس سے بہت پہلے اردو عوامی زبان کی حیثیت رکھتی تھی۔
اردو زبان، مادری اور علاقائی زبانوں کے فروغ میں علماء اور مدارس کا کردار ھمیشہ مرکزی رہا ہے۔ نصاب، خطاب اور مکالمے کی زبان اردو ہی مقدم رہی۔ مدارس کا نصاب، تعلم اور دورے (کورسز)عربی، فارسی اور اردو زبان کا مرکب تھے بھی اور ھیں بھی جہاں سے فارغ التحصیل افراد نہ صرف طلباء بلکہ عوام کے درمیان رہ کر کتاب اور خطاب سے اردو اور علاقائی زبانوں میں مختلف علمی و سماجی موضوعات پر عوام کی رہنمائی کرتے ہیں۔ آج بھی ان علماء کی ابلاغ کی زبان نوے فیصد

اردو جوکہ عربی اور فارسی کا پس منظر رکھتی ہے ھوتی ہے جس میں نو سے دس فیصد علاقائی بولی ھوتی ہے۔ پورے خطاب میں انگریزی کے چند الفاظ ماحول کی مناسبت سے محض بات سمجھانے کی خاطرھوسکتے ہیں۔
علماء و مدارس کا اردو زبان کے ارتقاء میں تاریخی، سماجی اور دائمی کردار ھے۔ یہ کردار اور قابلِ قدر حصہ تہزیبی، مسالک اور نظریات کی تفریق سے بالاتر ھے۔قومی اور علاقائی زبانوں کا فروغ مزھب، ملک و قوم کی ایک عمدہ ترین خدمت ہے۔