بالی وڈ سلطان اداکار سلمان خان نے اپنی 33 سال پرانی ایک ویڈیو شیئر کر کے دوست کو شادی کی سالگرہ کی مبارکباد دی-
باغی ٹی وی :دوست کی شادی کی سالگرہ پر فوٹوز اینڈ ویڈیوز شیئرنگ ایپ انسٹاگرام پر سلمان خان نے ایک چھوٹا سا کلپ شیئر کیا اس ویڈیو کلپ میں دیکھا جاسکتا ہے کہ سلمان خان اپنے دوست کو گلے لگ کر مبارکباد دے رہے ہیں۔
انسٹاگرام پر شیئر کی گئی اس ویڈیو پرسلمان خان نے دلچسپ انداز میں کیپشن تحریر کیا انہوں نے لکھا کہ یہ بچپن کا دوست صادق ہے، بچپن مطلب کہ میں اس وقت بچہ تھا۔
سلمان خان نے کیپشن میں بتایا کہ ان کے دوست نے 33 سال قبل شادی کی تھی۔
سلمان نے اپنے دوست کی اہلیہ کو مخاطب کرتے ہوئے کہا کہ ریحانہ کے لیے عزت و احترام جو اتنے سالوں تک نبرد آزما رہیں اور اس شادی کو آگے چلایا۔
سلمان خان نے ویڈیو شیئر کرتے ہوئے اپنے دوست کو شادی کی سالگرہ کی مبارکباد بھی دی۔