ثنا یوسف کو ایک آزاد اور محفوظ زندگی جینے کا پورا حق تھا، آصفہ بھٹو

خاتون اول آصفہ بھٹو زرداری نے طالب علم ثنا یوسف کے قتل کی شدید مذمت کی ہے

خاتون اول آصفہ بھٹو زرداری نے ثناء یوسف کے اہلخانہ سے دلی تعزیت کا اظہار کیا اور کہا کہ ثنا یوسف کا قتل حقوق کا اظہار کرنے پر تشدد کی ایک دردناک مثال ہے، ثناء یوسف کو خواب دیکھنے، ترقی کرنے اور روشن مستقبل کا حق حاصل تھا، ثنا یوسف کو ایک آزاد اور محفوظ زندگی جینے کا پورا حق تھا،

2 جون کو اسلام آباد میں اپنے گھر کے اندر قتل ہونے والی ثنا یوسف کے مبینہ قاتل عمر حیات کو اگلے ہی روز فیصل آباد سے گرفتار کر لیا گیا تھا جس کے بعد سے تحقیقات کے ساتھ ساتھ عمر حیات کی عدالت پیشی کا سلسلہ جاری ہے،ثنا یوسف جو صرف 17 سال کی تھیں کامیابی کی راہ پر گامزن تھیں،مقتولہ ثنا یوسف کا تعلق بالائی چترال کے گاؤں CHUINJ سے تھا اور ثنا ایک معروف و متحرک سماجی کارکن انوار الحق کی بیٹی تھیں،ثنا یوسف کے والد چترال کے حقوق کا تحفط کرنے کیلئے چلنے والی تحریک ‘تحریکِ تحافظ حقوقِ چترال’ کے اہم رکن بھی ہیں۔