سعودی عرب کے وزیرِ خزانہ محمد الجدعان جمعہ 10 اپریل 2026 کو دوپہر 3 بج کر 50 منٹ پر جدہ سے پرواز SV728 کے ذریعے اسلام آباد انٹرنیشنل ایئرپورٹ پہنچ گئے۔
ایئرپورٹ کے بین الاقوامی آمدی حصے میں سعودی عرب کے سفیر نواف سعید المالکی اور پاکستان کے وزیرِ خزانہ محمد اورنگزیب نے معزز مہمان کا استقبال کیا۔سرکاری ذرائع کے مطابق سعودی وزیرِ خزانہ نے ایئرپورٹ پر اسٹیٹ گیسٹ لاؤنج میں مختصر قیام کیا، جس کے بعد وہ شام 4 بج کر 9 منٹ پر اسلام آباد کے لیے روانہ ہوگئے۔اس موقع پر سکیورٹی کے سخت انتظامات کیے گئے تھے، جہاں اسپیشل برانچ کا عملہ ڈیوٹی پر موجود تھا جبکہ ضلعی پولیس نے بھی ایئرپورٹ پر سکیورٹی کے فرائض انجام دیے۔