سکیورٹی فورسز نے بلوچستان کے علاقے کمبیلہ اور عاصم آباد میں آپریشن کرتے ہوئے فتنہ الہندوستان کے3 دہشت گردوں کو ہلاک کردیا۔
سکیورٹی ذرائع نے بتایا کہ کمبیلہ اور عاصم آباد میں سرچ اینڈ سینی ٹائزیشن آپریشنز کرکے68 مربع کلو میٹر علاقہ کلیئر کرالیاگیا ہے، کارروائی کے دوران فتنہ الہندوستان کے 3 دہشت گرد ہلاک ہوئے جن میں سے 2 کی لاشیں برآمد ہوئیں۔ سکیورٹی ذرائع کے مطابق کارروائی میں 4 دہشت گرد زخمی بھی ہوئے، زخمی دہشت گردوں میں سرغنہ شوکت ماما بھی شامل ہے۔اس کے علاوہ سکیورٹی فورسز نے آپریشن کے دوران 12 مشتبہ افراد کو بھی حراست میں لیا، آپریشن کے دوران دہشت گردوں کی پناہ گاہیں ختم کرکے فتنہ الہندوستان کے جھنڈے بھی ہٹا دیئے گئے ہیں۔