شاہ سلمان بن عبدالعزیز نے عیدالفطر کے پرمسرت موقع پر دنیا بھر کے مسلمانوں کو دلی مبارکباد پیش کرتے ہوئے عالمِ اسلام کے لیے نیک خواہشات کا اظہار کیا ہے۔
اپنے پیغام میں انہوں نے کہا کہ سعودی عرب قیادت عالمی امن اور استحکام کے فروغ کے لیے اپنی کوششیں جاری رکھے گی، اور خطے سمیت پوری دنیا میں امن کے قیام کے لیے ہر ممکن کردار ادا کیا جائے گا۔خادمِ حرمین شریفین نے امتِ مسلمہ کے لیے خصوصی دعا کرتے ہوئے کہا کہ اللہ تعالیٰ مسلمانوں کو امن، سلامتی اور استحکام سے نوازے اور دنیا بھر میں بھائی چارے اور اتحاد کو فروغ دے۔انہوں نے مزید کہا کہ رمضان المبارک کے دوران لاکھوں مسلمانوں نے نہایت اطمینان اور سکون کے ساتھ عمرہ ادا کیا، جو سعودی حکومت کی جانب سے فراہم کردہ بہترین سہولیات اور انتظامات کا مظہر ہے۔