سابق گورنر اسٹیٹ بینک شمشاد اختر انتقال کر گئیں
اسٹیٹ بینک آف پاکستان کی سابق گورنر ڈاکٹر شمشاد اختر کراچی میں انتقال کرگئیں۔اہلخانہ کے مطابق ڈاکٹر شمشاد اختر کا انتقال حرکت قلب بند ہونے کے باعث ہوا جبکہ مرحومہ کی نمازجنازہ کل بروز اتوار بعد نمازظہر ادا کی جائیگی۔شمشاد اختر اسٹاک ایکسچینج ایس ایس جی سی کی چیئرپرسن تھیں۔شمشاد اختر نے جمعہ کو اسٹاک ایکسچینج میں خدمات انجام دیں۔ڈاکٹر شمشاد اختر نے 2 جنوری 2006ء کو بینک دولت پاکستان کی 14 ویں گورنر کا عہدہ سنبھالا، وہ اسٹیٹ بینک کی پہلی خاتون گورنر تھیں۔
صدرِ مملکت آصف علی زرداری نےسابق گورنر اسٹیٹ بینک شمشاد اختر کے انتقال پر گہرے دکھ اور افسوس کا اظہار کیا،صدر مملکت نے شمشاد اختر کی معیشت اور مالیاتی نظم و نسق کے شعبے میں خدمات کو خراجِ تحسین پیش کیا۔صدرِ مملکت نے مرحومہ کے درجات کی بلندی اور لواحقین کے لیے صبرِ جمیل کی دعا کی