پولیس کی تحویل میں بھارتی اداکارہ نے شلپا شیٹھی کے شوہر پر غیر اخلاقی فلمیں بنانے کے لیے گروہ چلانے کا الزام عائد کیا ہے۔
باغی ٹی وی :بھارتی میڈیا کے مطابق چند روز قبل ممبئی پولیس نے غیر اخلاقی فلمیں ویب سائٹ پر اپلوڈ کرنے کے الزام میں اداکارہ گیہانا واسستھ سمیت دیگر مزید 9 افراد کو گرفتار کیا تھا، اسی سلسلے میں ایک اور بھارتی اداکارہ ساگریکا شونا نے مشہور بھارتی اداکارہ شلپا شیٹھی کے شوہر راج کندرا پر فحش فلموں کا گروہ چلانے اور ویب سائٹ پر اپلوڈ کرنے کا الزام عائد کیا ہے۔
ایک پریس کانفرنس میں اداکارہ نے کہا کہ فحش فلمز بنانے کے سلسلے میں جس شخص کو پولیس نے گرفتار کیا ہے وہ مشہور بزنسمین راج کندرا کا اسسٹنٹ ہے-
اداکارہ ساگریکا شونا نے کہا کہ فحش فلمز بنانے کے پیچھے شلپا شیٹھی کے شوہر راج کندرہ کا ہاتھ ہے لہذا انہیں بھی گرفتار کیا جائے-