سیاست اور جمہوریت مذاکرات سے آگے بڑھتی ہے،رانا ثناء اللہ

وزیراعظم کے مشیر برائے سیاسی امور رانا ثنااللہ نے کہا ہے کہ سیاست اور جمہوریت مذاکرات سے آگے بڑھتی ہے، ڈیڈلاک سے نہیں، سیاسی جماعتوں کو مل بیٹھ کر مسائل پر بات کرنی چاہیے۔

نجی ٹی وی پروگرام میں گفتگو کرتے ہوئے رانا ثنا اللہ کا کہنا تھا وزیراعظم پہلے بھی چار بار پی ٹی آئی کو مذاکرات کی دعوت دے چکے ہیں، مذاکرات کی دعوت کے جواب میں بانی پی ٹی آئی نے مثبت جواب نہیں دیا،بانی پی ٹی آئی سیاست نہیں کر رہے، مذاکرات کرنا ان کی پالیسی میں نہیں ہے،بانی پی ٹی آئی کے سوا ان کی جماعت میں اورکسی کے پاس اختیارات نہیں ہیں، بانی پی ٹی آئی مذاکرات نہیں، افراتفری چاہتے ہیں، اس طرح سے حکومت کے ساتھ مذاکرات نہیں ہو سکتے۔

واضح رہے کہ گزشتہ روز وزیراعظم شہباز شریف نے کابینہ اجلاس میں بات کرتے ہوئے پی ٹی آئی کو ایک بار پھر مذاکرات کی دعوت دی تھی.