سونے کی قیمت میں مسلسل دوسرے روز بڑی کمی

سونے اور چاندی کی قیمت کو عالمی اور مقامی منڈیوں میں ریورس گیئر لگ گیا۔

عالمی و مقامی گولڈ مارکیٹس میں سونے کی قیمت میں مسلسل دوسرے روز بڑی کمی دیکھی گئی۔رپورٹ کے مطابق فی تولہ سونے کے دام 25 ہزار 500 روپے کم ہو کر 5 لاکھ 11 ہزار 862 روپے پر آگئے۔عالمی مارکیٹ میں فی اونس سونا ایک دن میں 255 ڈالر گرکر 4895 ڈالر پر آگیا۔گزشتہ روز بھی مقامی مارکیٹ میں سونے کی فی تولہ قیمت 35 ہزار 500 روپے اور عالمی مارکیٹ میں فی اونس 355 ڈالر کم ہوئی تھی۔رپورٹ کے مطابق چاندی کی فی تولہ قیمت 2063 روپےکم ہوکر 9006 روپے پر آگئی۔