وینزویلا پر امریکی حملے کیخلاف ہمسایہ اور عالمی ممالک کا شدید ردعمل سامنے آیا ہے، کیوبا، کولمبیا، روس اور ایران نے حملے کی مذمت کردی۔
کیوبا کے صدر گستاو پیترو نے فوری اقوام متحدہ کا اجلاس بلانے کا مطالبہ کردیا۔ سوشل میڈیا پر جاری پیغام میں کہا کہ وینزویلا پر میزائل برس رہے ہیں، اقوام عالم کو آگاہ کرنا چاہیے۔کیوبا کے صدر نے وینزویلا پر امریکی حملہ مسترد کردیا اور کہا کہ امریکا کے مجرمانہ حملے کی شدید مذمت کرتے ہیں، عالمی برادری فوری اس جارحیت کی مذمت کرے، حملہ وینزویلا کے عوام کے خلاف ریاستی دہشت گردی ہے۔ایرانی دفتر خارجہ نے کہا وینزویلا پر حملہ اقوام متحدہ کے چارٹر کی سنگین خلاف ورزی ہے۔ روس نے وینزویلا کیخلاف اقدام کو "مسلح جارحیت” قرار دیتے ہوئے اس کی مذمت کی ہے۔