سپریم کورٹ نے کرایہ داری کا حتمی اصول طے کردیا، مالک کے انتقال کے بعد قانونی وارث ازخود مالک بن جاتے ہیں، نیا کرایہ نامہ ضروری نہیں۔
سپریم کورٹ آف پاکستان نے سندھ ہائی کورٹ کا بے دخلی کا فیصلہ درست قرار دیتے ہوئے کرایہ داری کا حتمی اصول طے کردیا۔سپریم کورٹ کا کہنا ہے کہ مالک کے انتقال کے بعد قانونی وارث ازخود مالک بن جاتا ہے، مالک کے انتقال کے بعد نیا کرایہ نامہ ضروری نہیں، متوفی کے نام پر کرایہ جمع کرانا قانونی ادائیگی نہیں۔چیف جسٹس پاکستان یحییٰ آفریدی اور جسٹس شکیل احمد پر مشتمل سپریم کورٹ کے 2 رکنی بینچ نے کیس سنا، جسٹس شکیل احمد نے 4 صفحات پر مشتمل تحریری فیصلہ جاری کردیا۔