صدر آل پاکستان انجمن تاجران اجمل بلوچ نے 16 جنوری کو ملک بھر کے چوک بند کرنے کا اعلان کر دیا۔
احتجاجی ریلی سے خطاب کرتے ہوئےانہوں نے کہا کہ تاجر برادری پوائنٹ آف سیل (پی او ایس) قانون کو مکمل طور پر مسترد کرتی ہے اور اسے ایک “کالا قانون” قرار دیتی ہے،ایف بی آر کے اہلکار مبینہ طور پر رشوت وصول کر رہے ہیں اور پی او ایس سسٹم نہ لگانے پر تاجروں کو 5 لاکھ روپے تک کے جرمانے عائد کیے جا رہے ہیں۔
انہوں نے الزام لگایا کہ ایف بی آر میں کرپشن کھلے عام ہو چکی ہے، جس کی وجہ سے معیشت کا پہیہ جام ہو گیا ہے اور ملک بھر میں 70 فیصد تک خرید و فروخت کم ہو چکی ہے صنعتوں کی بندش کے باعث ملک شدید معاشی بحران کا شکار ہے جبکہ سرمایہ کاری دبئی اور دیگر بیرونِ ملک منتقل ہو رہی ہے۔
ان کا کہنا تھا کہ ایم این ایز اور وزرا مہنگی گاڑیوں میں گھوم رہے ہیں، جو ان کے بقول فلائی اوورز اور انڈر پاسز کے کمیشن کا پیسہ ہےنہ صرف ملک بھر کے چوک بند کیے جائیں گے بلکہ اسلام آباد میں سری نگر ہائی وے کو بھی بلاک کیا جائے گا، شوکت عزیز کے دور کی طرح ایف بی آر کو ختم کیا جائے، اور کہا کہ تاجر برادری ڈبل ٹیکس دینے کو بھی تیار ہے، مگر موجودہ نظام کسی صورت قبول نہیں کیا جائے گا۔
وزیراعظم رحیم یار خان پہنچ گئے،متحدہ عرب امارات کے صدر سے ملاقات متوقع