امریکی ایوان کی کمیٹی کی طالبان کو مالی امداد روکنے کے بل کی منظوری

امریکی ایوان نمائندگان کی خارجہ امور کی کمیٹی نے نئے بل کی منظوری دے دی ہے جس سے کسی بھی امریکی امداد کو طالبان تک پہنچنے سے روکا جائے گا۔

امریکی کانگریس کے رکن برائن ماسٹ نے افغانستان کے متعلق اہم بل پیش کردیا،بل کا مقصد امریکی ٹیکس دہندگان کے پیسے کو افغان طالبان تک پہنچنے سے روکنا ہے،کانگریس مین برائن ماسٹ نے کہا کہ ہم نہیں چاہتے کہ امریکی ٹیکس دہندگان کا ایک بھی ڈالر طالبان کے ہاتھوں میں جائے،بل کے مطابق، امریکی محکمہ خارجہ کو خصوصی حکمت عملی تیار کرنی ہوگی ،دیگر ممالک اور غیر سرکاری تنظیموں کو طالبان کو مالی یا مادی امداد فراہم کرنے سے روکا جائے گا،یہ بل 23 قانون سازوں کی حمایت سے کانگریس میں پیش کیا گیا ہے،امریکی حکومت نے گزشتہ تین سالوں میں افغانستان کو 2 ارب ڈالر سے زائد کی امداد فراہم کی ہے،اس بل کی منظوری کے بعد، امریکی حکومت کی پالیسی مزید سخت ہو سکتی ہے