سمندر پار پاکستانیوں کی جانب سے ترسیلاتِ زر میں جاری مالی سال کے دوران نمایاں اضافہ ریکارڈ کیا گیا ہے۔
اسٹیٹ بینک آف پاکستان کی جانب سے جاری کردہ تازہ اعداد و شمار کے مطابق مالی سال کے پہلے چھ ماہ میں ترسیلاتِ زر میں سالانہ بنیادوں پر 10.6 فیصد اضافہ ہوا ہےاعداد و شمار کے مطابق مالی سال کے ابتدائی چھ ماہ کے دوران سمندر پار پاکستانیوں نے مجموعی طور پر 19.7 ارب ڈالر وطنِ عزیز بھجوائے، جو گزشتہ مالی سال کی اسی مدت کے مقابلے میں نمایاں طور پر زیادہ ہیں۔ گزشتہ مالی سال کے پہلے چھ ماہ میں ترسیلاتِ زر کا حجم 17.8 ارب ڈالر ریکارڈ کیا گیا تھا۔
دسمبر کے مہینے میں ترسیلاتِ زر کا حجم 3.6 ارب ڈالر رہا، جو نومبر کے مقابلے میں 12.6 فیصد زیادہ ہے اسی طرح دسمبر 2024 کے مقابلے میں بھی دسمبر کی ترسیلاتِ زر میں 12.6 فیصد اضافہ ریکارڈ کیا گیاسعودی عرب میں مقیم پاکستانیوں نے 813.1 ملین ڈالر، متحدہ عرب امارات سے 726.1 ملین ڈالر، برطانیہ سے 559.7 ملین ڈالر جبکہ امریکہ میں کام کرنے والے پاکستانیوں نے 301.7 ملین ڈالر وطن منتقل کیے۔
سابق سینیٹر مشتاق احمد نے نئی سیاسی جماعت کی بنیاد رکھ دی
اسٹیٹ بینک کے مطابق کیلنڈر سال 2025 کے دوران مجموعی ترسیلاتِ زر کا حجم 40.18 ارب ڈالر تک پہنچ گیا، جو سال 2024 کے 34.66 ارب ڈالر کے مقابلے میں 16 فیصد زیادہ ہے ماہرین کے مطابق ترسیلاتِ زر میں یہ اضافہ ملکی معیشت کے لیے مثبت اشارہ ہے اور زرمبادلہ کے ذخائر کو مستحکم کرنے میں اہم کردار ادا کر رہا ہے۔