امریکی صدر ڈونلڈ ٹرمپ نے ایران پر حملے کے حوالے سے وال اسٹریٹ جرنل کی رپورٹ کو بے بنیاد اور گمراہ کن قرار دیا ہے۔
امریکی صدر ٹرمپ نے ایران پر ممکنہ کارروائی سے متعلق خبروں کی تردید کرتے ہوئے کہا کہ مذکورہ رپورٹ درست نہیں ہے۔ وال اسٹریٹ جرنل نے اپنی رپورٹ میں دعویٰ کیا تھا کہ ٹرمپ نے نجی سطح پر ایران پر حملے کی منظوری دے دی ہے، لیکن حتمی فیصلہ اس امید پر مؤخر کیا گیا کہ ایران اپنا جوہری پروگرام ترک کر دے گا۔ٹرمپ نے اپنی سوشل میڈیا پلیٹ فارم "ٹروتھ سوشل” پر ایک بیان میں لکھا کہ "وال اسٹریٹ جرنل کو یہ تک معلوم نہیں کہ میرے ایران کے بارے میں کیا خیالات ہیں.
گزشتہ روز ٹرمپ نے صحافیوں سے غیر رسمی گفتگو میں کہا تھا کہ وہ ایران پر حملے کی اجازت دینے سے متعلق تاحال کسی نتیجے پر نہیں پہنچے۔ ان کا کہنا تھا کہ "دیکھتے ہیں آگے کیا ہوتا ہے، سب مجھ سے یہی سوال کر رہے ہیں، لیکن میں نے ابھی کوئی حتمی فیصلہ نہیں کیا۔”
ایران کے بیلسٹک میزائل حملے میں اسرائیلی اسپتال تباہ، 50 سے زائد افراد زخمی
اسرائیل کا امریکا سے مدد مانگنا کمزوری، دشمن کو طاقت سے جواب دیں گے،آیت اللہ خامنہ ای